Hoxe, 21 de agosto, a Humanidade entra en déficit ecolóxico

A día de hoxe temos gastado todos os recursos que produce anualmente o planeta, e xa que logo viviremos ata fin de ano xerando un déficit que pagaremos no futuro, ou roubándolles aos nosos fillos, que é outra maneira de velo.

Este é o déficit ineludible que condicionará no futuro inmediato á nosa especie, moito máis relevante para a humanidade que os déficits monetarios. Porén, non veremos esta nova nos telexornais nin nas cabeceiras dos principais xornais. A nosa sociedade segue miope perante os condicionantes físicos da súa subsistencia, cega diante dos límites dun planeta finito, cuxos recursos xa sobrepasamos vivindo de prestado. E isto non pode durar.

Día da débeda ecolóxica 2010

A New Economics Foundation británica ven facendo este cálculo do déficit ecolóxico anual desde hai varios anos, e constantan que a data en que entramos en números vermellos cada vez se adianta máis. De feito o adianto é dun mes enteiro este ano con respecto ao anterior, malia a recesión económica mundial, o que tamén reflicte unha mellora no sistema de estimación que empregan conxuntamente con Global Footprint Network, unha organización de pescuda ecolóxica estadounidense.

Os responsables deste informe sinalan absurdos como as 131.000 toneladas de chicle que o Reino Unido exportou en 2009 a España mentres se importaban 125.000 desde España.

Débeda ecolóxicaOu que o esgotamento de caladoiros de pesca, de bosques ou de biodiversidade aínda conte como medra do PIB dos países europeos. Alertan sobre os efectos negativos de contar o sobreconsumo de recursos como algo positivo nos balances económicos, e compárano cunha familia que vende as xoias da familia para pagar as facturas das súas tarxetas de crédito e pensa que as súas finanzas van ben. Se una persoa gastase en 9 meses todos os seus ingresos dun ano debería estar moi preocupada, afirman. De feito alertan sobre os sinais de esgotamento que envía a natureza (entroutros, a mudanza climática) e que indican que non podemos proseguir con este sobreconsumo, que xa vivimos fóra das nosas posibilidade: a Natureza vainos embargar.

Xa que logo fan un chamamento para realizarmos unha Gran Transición que reconstrúa a economía sobre outros fundamentos, liberándonos do sobreconsumo e sen socavarmos os ecosistemas dos que depende a supervivencia da nosa especie.

6 thoughts on “Hoxe, 21 de agosto, a Humanidade entra en déficit ecolóxico

  1. 21 Agosto, 2010 at 9:04 p.m.

    Yo personalmente estoy esperando el primer coche electrico que valga la pena, (300km de autonomia) y montaré las placas para autabasterceme de electricidad durante el día para casa y cargar el coche. Perdonad mi uso del castellano aunque hablo Gallego me cuesta mucho escribirlo

  2. Ed
    23 Agosto, 2010 at 12:59 a.m.

    Mark, si montas las placas ya y empiezas a alimentar circuitos de casa(los mas afrontables son el frigorífico, el congelador, etc, cosas de consumo relativamente constante y la iluminación si la pasas a bajo consumo o incluso mejor LED) con energía solar para cuando salga el primer vehículo eléctrico razonable ya habrás evitado la emisión de cientos de toneladas de CO2!

  3. Gatopardo
    23 Agosto, 2010 at 12:09 p.m.

    A fabricación dun coche eléctrico tamén che consume un montón de enerxía fósil, Mark. E as placas solares non digamos! Hai que buscar outras vías, viaxar menos, e adaptar os coches existentes.

  4. Fran
    8 Setembro, 2010 at 1:09 p.m.

    Se cada ser humano consumise os mesmos recursos que un cidadan galego medio farian falla 3 planetas.
    En Galicia a Pegada Ecolóxica é de 6,26 hectáreas, 2.11 hectáreas máis ca española, ¿Por que? Basicamente por dous motivos:
    1. Hábitos alimenticios, o consumo de carne e derivados supera un 15.5% a media española, porcentaxe que acada un 20% en leite e derivados. O consumo de peixe e 39.7% maior que a media
    española.
    Estos hábitos supoñen 3,20 hectáreas de PE ( o 51% da noas Pegada)
    2.A emisión de CO2 implica unha gran Pegada xa que quimamos moito carbón para producir electricidade (100 camións diarios nas Pontes), e petróleo en transporte. 2,18 Ha de PE (o 34,81% da Pegada galega)

    Igual deberiamos reducir o noso consumo de carne. O consumo dunha ración de carne e peixe ten unha PE 10 veces maior que a de unha ración vexetal que aporte os mesmos nutrintes.

  5. dani
    2 Outubro, 2010 at 5:18 p.m.

    fran, eses datos de PE para o consumo de carne e peixe non están correctos. p.ex na ría de arousa consumir unha ración de bibalvos (un ben abundante nunha área bañada por augas ricas en nutrientes) ten moita menos PE que cultivar unha hectárea de terra (un ben escaso nunha área sobrepoboada).

    as recetas universiais non funciona pq se afastan do local.

    con todo, a sobreexplotación pesqueira é evidente na ría de arousa pq esta enfocada á produción/exportacion e non ao consumo.