Que consecuencias terá un gasoil a 2 euros/litro?

Adeus aos tractores!Na nosa asociación comentouse hai uns días o ruxe-ruxe na industria do transporte de que é probable que en breve o gasoil estea preto dos 2 euros/l (agora anda polo 1,24 euros/l).

Está foi unha breve avaliación do noso compañeiro Xoán Doldán sobre que suporía ese prezo:

E as empresas de transporte por estrada? A ese prezo DESAPARECERÁN a non ser que os camioneiros conduzan 23,5 horas/día, coman por sonda o que prepararon na casa e meteron nun termo, e fagan as súas necesidades en cueiros reutilizábeis, e cobren a metade. Ou repercutan o sobrecuste nos prezos do servizo que logo se traslade ao sucesivos prezos de bens e servizos…é dicir HABEMUS (HIPER)INFLACIÓN.

E o gasoil agrícola? Como suba dese xeito veremos tractores parados e necesitaranse moita man de obra para traballar no agro (plantar, sachar, recoller…). Un dato para o recordo: en 2010 (cifras oficiais) había menos de 70 mil persoas ocupadas na agricultura galega (de un total de persoas ocupadas de 1,1 millóns —o 6%—); en 1985 había 475 mil (de pouco máis de 1 millón de persoas ocupadas —o 47%—), pero é que en 1969 eran unhas 600 mil (duns 1,1 millóns de persoas ocupadas —o 0,54%—)…e así sucesivamente. Eis o noso verdadeiro libro de familia, o noso cóntame…cando aínda non se usaba tanto gasoil.

Evolución do prezo do barril Brent nos últimos 6 meses

5 thoughts on “Que consecuencias terá un gasoil a 2 euros/litro?

  1. 12 Febreiro, 2011 at 1:49 p.m.

    Hoxe aparecen na prensa galega noticias sobre os efectos do encarecemento dos combustibles derivados do petróleo na nosa economía. Isto non é máis que o comezo:

    http://www.elcorreogallego.es/galicia/ecg/brutal-subida-combustible-asfixia-brazo-productor-gallego/idEdicion-2011-02-12/idNoticia-639128/

  2. 14 Febreiro, 2011 at 9:14 a.m.

    No Reino Unido o brutal impacto nos custos tamén pon en perigo as granxas de porco: http://www.guardian.co.uk/business/2011/feb/13/british-pig-farm-crisis-threatens

  3. Tractorista
    21 Febreiro, 2011 at 1:52 p.m.

    Suba do 3% nunha semana: iso é un 350% anual!!!

    http://www.abc.es/20110217/economia/abci-gasoleo-gasolina-201102171121.html

  4. 22 Febreiro, 2011 at 8:59 a.m.

    Antonio Turiel explicaba non ha moito outro aspecto que termos en conta para comprender a suba dos carburantes:

    últimamente el precio de la gasolina y del gasoil sube más rápido que el del petróleo (no sólo en España, por más que los análisis que por aquí se escuchan se centran exclusivamente en la cuestión de las subidas de impuestos locales), debido al aumento del margen de las refinerías, que en buena medida viene dado por la subida de precio en las subastas de refinados al haber mayor demanda de los mismos proveniente de países como China e incluso Irán, que no son capaces de refinar suficiente petróleo