Como os novos «señores» (do capital) se están a facer coas nosas terras

(Unha conversa de Manuel Amigo e Xoán Doldán.)

Manuel Amigo:

Onte estiven a falar un anaco cun cliente do taller, gandeiro posuedor de moitas cabezas de gando e moitos ferrados de terreno. Falamos de que a gandeiria de leite vai para o carallo, que a seca de primavera vai reducir a metade a producción de herba e millo, e que van ter que mercar máis pensos compostos, que as vacas van ter que ir pastar fóra se queren, e que se van dar a metade pois terán que dar a metade… Falamos que cambiar as praderas vai costar cartos e tempo, e falamos de cartos: están todos empeñados ata as orellas. O crédito está cerrado, tramítanse só a traves de ICO e o IGAPE, peeeeero… se pides un credito e o avalas coa casa, a cuadra, o tractores ou mesmo cos abuelos ou cos fillos non che dan un peso; agora ben, se o avalas con TERRAS non hai ningún problema e o carto flúe coma a auga cara a túa conta.

Señores: os que mandan están cambeando os papeliños de colores por cousas moi tanxibles. Isto precipítase, e —por certo— sabedes quen e o segundo tenedor de terras cultivables en España despois da Duquesa de Alba? Empeza por Bo e termina por tin.

Xoán Doldán:

Foto aérea campo galego

Xa o dicían os vellos e vellas deste país, “a terra é o último do que un se desfai”. Con todo o traballiño de séculos que necesitaron para facerse coa propiedade que estaba en mans de señores e clero (só despois de 1929 coa redención dos foros que permitía que, pagando, as familias labregas se fixeran coas terras que traballaban de sempre); tanta débeda que contraeron para poder pagar unhas terras que traballaran durante xeracións, tanto cacique ao que pediron prestado e que o día de pagar desaparecían para dar por non saldada a débeda e quedarse coas terras das familias labregas e grazas ao que algúns se fixeron terratenentes (verídico, en moitos lugares de Galiza e, particularmente, na zona de Bergantiños de onde son eu); tanto emigrar e tratar de facer as Américas para poder pagar esas débedas; tanto soportar a crítica urbana de que “os paisanos son capaces de matar por un rego de terra” ou que “están sempre metidos en pleitos pola terra” mentres que non había inconveniente en “ir a la aldea” a encher o maletero do coche de patacas, verdura ou o que lle puxeran por diante, ás veces como pagamento por “levar” eses mesmos pleitos ou atendelos, como era obriga, na administración ou no médico; tanto dicir que a terra está sobrevalorada porque a xente pide miles e moreas por un anaquiño de terra que non vale para nada “pero que a mi me venía muy bien para hacerme un chalecito de fin de semana, o vivir en una casita con jardín cerca de la ciudad”

E ao final os novos señores (do capital) queren facerse de novo coas terras. Que pouco durou este soño… tal día como hoxe pouco máis de 80 anos. Aínda viven os fillos e fillas de moitas familias que, por primeira vez, poideron deixar en herdanza esas terras. Para que agora a leven os bancos.

Cousas de Castelao
Non son pastores de Belén; son labregos que van pagal-os foros.

Cousas de Castelao
¡ Un padrenostriño para que Deus nos liberte da xusticia !

Ligazóns relacionadas con esta cuestión:

6 thoughts on “Como os novos «señores» (do capital) se están a facer coas nosas terras

  1. Antonio Palma
    18 Xullo, 2011 at 1:09 p.m.

    Tremendo panorama o que amosades Manoel e Xoan, nada novo por certo nesta ultraxe ecolóxica continuada desde xa hai séculos. Desde o sul do mundo onde o roubo ven envolto co desprazamento de comunidades de pobos orixinarios, reafirmome na conviccion de que o home non pode ser dono da terra, debe de sentir que é parte dela pero non o dono. Se o poder, os estados, as sociedades foron construidas coa rapiña da conquista e o roubo da terra, é agora ela mesma e a súa lei inmutable de equilibrio e xusticia quen vainos pasar factura.
    Os poderosos só están a executar a derradeira parte do plan natural sen sabelo, cando as terras queden sen quen as traballe, ficarán expostas as leis da natureza e os ciclos rexenerativos do solo e da hidroloxía.
    Se cadra aproximamomnos ao tempo da transición ao nomadismo e a recuperación da nosa verdadeira escala humana.
    Dígolo con sentidiño, xa me toca vivir nesa identidade de non ter terra e nin sequera desexala, unha clase de ser sen terra en transición, ogallá que cara unha sociedade comunitaria, solidaria, xusta e sustentábel.

    Unha aperta dende o sul do mundo.

  2. 18 Xullo, 2011 at 8:19 p.m.

    Saúdos desde o norte da xente tola, Antonio! ;-D

    Eu creo que si vai haber quen traballe as terras: máis que nada porque o sustento dependerá diso. O malo é que os movementos do poder capitalista van na dirección de que ese traballo será iso, TRABALLO (asalariado), e non LABOR (para a propia autosubsistencia), porque expropiarán dunha ou outra maneira aos poucos posuidores que agora quedan.

  3. Xoán Doldán
    18 Xullo, 2011 at 9:27 p.m.

    Que alegría Antonio, metido de novo con nós nestas conversas desde esas terras do sul do mudo. Eu coincido con Casdeiro na forma en como se pode traducir esa nova realidade, mais haberá, acho, diferenzas importantes entre uns lugares e outros, en función de como sexa a forma de propiedade predominante da que se parta e o tipo de explotacións que haxa. En moitos lugares do mundo ese traballo asalariado podería ir (xa vai, en ocasións) asociado a un certo nomadismo, como ti dís. Hoxe traballar aquí e mañá acolá. Frente a isto, como indicas, unha sociedade comunitaria, solidaria, xusta e sustentábel debería ser o obxectivo cara o que dirixir esa transición que necesitamos.

  4. 10 Agosto, 2011 at 12:08 a.m.

    Tamén moi relevante este post de Antonio Turiel de hai un ano e pico: http://crashoil.blogspot.com/2010/06/una-hipotesis-descabellada-liquidar-la.html

    Así, pues, ¿qué puedo hacer? Comprar tierras. Bienes inmuebles, también, pero mejor tierras. La tierra rinde frutos, la tierra da un rendimiento cada año, la tierra siempre me dará de comer. Cuando todo colapse, no me faltarán jornaleros que quieran trabajar en mis tierras por cuatro duros, y yo conservaré una posición desahogada. Y quizá compre también alguna mina, o alguna línea de ferrocarril, o alguna instalación productiva (como un molino o fábrica).

  5. 9 Marzo, 2012 at 8:50 a.m.

    Manuel Amigo envíanos este novo artigo sobre a cuestión. Como vedes xa hai quen con mentalidade capitalista e especuladora apunta cara este “novo” activo: http://lacartadelabolsa.com/leer/articulo/olvidense_del_oro_de_las_acciones_de_los_bonos…compren_tierras_cultivable

  6. Camba
    31 Maio, 2012 at 8:24 a.m.

    En CrisisEnergetica difundiron outro artigo interesante sobre este movemento de acaparamento mundial: http://www.crisisenergetica.org/article.php?story=20120523024926244

Deixa unha resposta

O teu enderezo electrónico non se publicará Os campos obrigatorios están marcados con *