O «peakoil» chega á música popular «mainstream» co último disco de Muse

As cancións cuxos videoclips insertamos a continuación forman parte do último disco da banda británica de rock Muse, titulado «The 2nd Law» (A Segunda Lei, facendo referencia á segunda lei da Termodinámica).

É evidente que os membros deste grupo coñecen o problema do peakoil e o colapso civilizatorio ao que nos diriximos, e de aí as súas referencias á entropía e á enerxía no álbume e nomeadamente nestas cancións cuxas letras traducimos embaixo.

Sen dúbida é preciso que a verdadeira natureza da crise terminal que afrontamos penetre na sociedade por medio de expresións artísticas en todos os campos, e a música popular non é o menos importante deles. Por iso parabéns a Muse por trasmitir estas mensaxes aos seus millóns de fans por todo o mundo!

Muse — The 2nd Law: Unsustainable

[ACTUALIZACIÓN 24/11/2012: Advertimos de que este primeiro vídeo contén imaxes subliminais.]

Tradución da letra orixinal en inglés segundo consta no wiki do grupo:

Todos os procesos naturais e tecnolóxicos
proceden dun xeito no que a dispoñibilidade
da enerxía restante diminúe.
En todos os intercambios enerxéticos,
se non hai enerxía que entre ou saia dun sistema illado
a entropía dese sistema aumenta.
A enerxía continuamente flúe desde
estados concentrados a converterse en dispersa
estendida, gastada e sen utilidade.
Non se pode crear nova enerxía
e a enerxía de alto grao está sendo destruída.
Unha economía baseada no crecemento sen fin é
Insostible, inso…
Insostible, insostible, inso…
Ins’ ins’ insostedor, insostedor
Insos…
Insostible, insostible
Ins’ ins’ ti es insostible

As leis fundamentais da Termodinámica colocarán
límites fixos na innovación tecnolóxica
e no avance humano.
Nun sistema illado;
a entropía só pode aumentar.
Unha especie que teima no crecemento sen fin é
Insostible, inso…
Insoster, insoster, inso…
Ins’ ins’ insostedor, insostedor
Inso… Insoster
Insoster
Ins’ ins’ ti es insostible.

Muse — The 2nd Law: Isolated system

Tradución da letra orixinal en inglés segundo consta no wiki do grupo:

Nun sistema illado, a entropía só pode aumentar

(Emisión de radio e TV captada aleatoriamente)

Nun sistema illado, a entropía só pode aumentar
Nun sistema illado, a entropía só pode aumentar
Nun sistema illado
Nun sistema illado (a entropía)
Sistema illado (a entropía só pode aumentar)
Sistema illado
Illado
(sistema) Illado
Illado
(sistema) Illado
Illado (a entropía)
Illado
Illado
Illado

Trailer do disco The 2nd Law

No videoclip que sirveu de trailer ou presentación do disco, hai referencias visuais moi claras ao petróleo: