WEO 2012: Que quere dicir en realidade o informe deste ano da Axencia Internacional da Enerxía?

WEO 2012 - Axencia Internacional da Enerxía (AIE)Non extraña a alarma que se pode percibir nas análises que incluímos embaixo e que foron publicando diversos estudosos do problema enerxético acerca do informe anual WEO recentemente publicado pola AIE: non é para menos.

Ao final o que se deduce é que:

  • o cambio climático non hai quen o pare (máis de 3ºC de temperatura media, din);
  • en Irak están sacando rapidamente todo o petróleo que poden;
  • Arabia deixará de ser o surtidor do mundo;
  • EE.UU. vai facer fracking por canto sitio hai, que tamén nos tocará polo Estado español;
  • a demanda de auga para usos enerxéticos vai dispararse (e, do mesmo modo, a súa polución);
  • a suposta bonanza dos EE.UU. só duraría 5 anos; ademais é falso que exporten petróleo porque o convencional continúa a baixar nos USA e o non convencional so medra, e non tanto, até 2025, para logo caer tamén;
  • a trampa contábel está —xa comenza a ser habitual— en sumar allos con bugallos, é dicir, petróleo do bo co malo + gas do bo e do malo + o que se tercie;
  • os prezos do barril en 2035 serán de 125 euros (dos de 2011, é dicir, sen ter en conta a inflación) que, se os prezos subisen a unha media ridícula do 2% anuais serían algo máis de 200 euros nominais.

Reaccións ao WEO 2012

(Iremos ampliando a medida que coñezamos máis.)

Unhas poucas mostras da visión transmitida pola prensa comercial non especializada

Deixa unha resposta

O teu enderezo electrónico non se publicará Os campos obrigatorios están marcados con *