Seguimos sen comprender ónde está a Gran Estafa

(Breve comentario de actualidade de Xoán Doldán acerca dunha nova aparecida recentemente nos medios de comunicación galegos acerca dunha estafa piramidal descoberta en Lugo.)

Tan metido na cachola temos o mito do crecemento que seguimos a pensar que hai pesos a catro pesetas. Pensamos que os bancos son uns ladróns (que o son) mais non o sistema de xuros que nos dá intereses en diñeiro que alguén ten que xerar nalgún lado. Isto veuno facendo o sistema bancario porque creaba (e crea, aínda que menos) diñeiro contábel, non soportado sobre a emisión de papel moeda. O sistema bancario pode facer esa estafa piramidal porque cando rebenta entran os Estados a salvar o petate sangrándonos a todos. Mais cando o estafador piramidal é un particular, o Estado si que o persegue.

E non aprendemos, pensamos que cambiando o diñeiro de mans duns estafadores a outros o problema está resolto, aínda que en realidade é pior: para estafadores os profisionais. Sería moito mellor pensalo doutro xeito: non queiras que o teu diñeiro medre, gárdao ou úsao, mais non especules a non ser que esteas no grupiño da elite mundial —eles teñen a posibilidade de recuperalo—. Doutro modo, acabarás por perdelo sen remedio.

Deixa unha resposta

O teu enderezo electrónico non se publicará Os campos obrigatorios están marcados con *