Reseña de «Límites externos de acumulación de capital: el declive energético del siglo XXI»

Publicamos a reseña do noso compañeiro Sito Costa do ensaio Límites externos de acumulación de capital: el declive energético del siglo XXI de Emilio Santiago Muíño, no que analiza as relacións entre o capitalismo como sistema e o Peak Oil e como se retroalimentan mutuamente.

emilio-santiago-muinhoEmilio Santiago Muíño ven de publicar un interesante ensaio, «Límites externos de acumulación de capital», moi sinxelo de ler nun par de tardes.

Introduce o libro expoñendo os datos, citas e autores nos que se fundamenta para certificar o colapso do capitalismo baseándose en factores intrínsecos do propio sistema (voracidade irrefrenable, estructura cada vez máis piramidal, límites da acumulación da riqueza en poucas mans…) e factores determinados polo límites externos ó propio sistema, descritos coma un “fenómeno poliédrico” onde múltiples sobrepasamentos ecolóxicos e sociais se entrecruzan e retroalimentan levándo ó limite a capacidade non soio do capitalismo senón do propio planeta e dos seus recursos.

Nunha segunda parte do libro desglosa, con maior ou menor profundidade dependendo do tema, ata que punto a crise enerxética e o Teito do Petróleo están no basamento deste colapso e cales serán as consecuencias de seguir embarcados neste tren ata chegar ó precipicio final. Fainos desta maneira unha revisión de como se verá afectado cada aspecto das nosas vidas e das nosas sociedades e as graves consecuencias que terá intentar soster unha poboación mundial de 7000 millóns de humáns en condicións de decrecemento económico.

Dende logo un ensaio moi recomendável para poñer o Peak Oil nun contexto social e para establecer as relacións directas que ten o sistema capitalista sobre o teito do petroleo e, viceversa, as catastróficas consecuencias que terá o cénit do petróleo no colapso da nosa civilización.

O ensaio de Emilio Santiago pódese descargar de balde no web do Grupo de Investigación Transdisciplinar sobre Transiciones Socioecológicas.

Deixa unha resposta

O teu enderezo electrónico non se publicará Os campos obrigatorios están marcados con *