Unha revisión do debate sobre os límites do crecemento

Evolución do escenario estándar d'Os límites do crecementoEn Abril de 2016 co gallo do lanzamento do Grupo interpartidario de parlamentarios británicos sobre os límites do crecementoAll-Party Parliamentary Group (APPG) on Limits to Growth –, apresentou-se o informe LIMITS REVISITED. A review of the limits to growth debate, escrito por Tim Jackson e Robin Webster.

Este informe explica dunha maneira concisa, ecuánime e moi ben informada, moitas das cuestións que nos preocupan en Véspera de Nada. É por iso unha satisfacción para nós termos obtido o permiso para traducilo ao galego e divulgalo na nosa lingua.

LÍMITES REVISITADO. Unha revisión del debate sobre os límites do crecemento.

Capa da versión en galego do informe (versión dixital).

Sobre os autores

Tim Jackson é catedrático de ”desenvolvemento sustentábel” na University of Surrey e director do Centre for the understanding of sustainable prosperity. Durante 7 anos foi comisario económico da UK Sustainable development commision, cuxo traballo culminou na publicación de Prosperidade sen crecemento – economía para un planeta finito. Se bem orixinariamente era un informe para o goberno do Reino Unido, o traballo foi traducido posteriormente para 17 idiomas. Tim é un membro pleno do Club de Roma.

Robin Webster é unha investigadora e escritora sobre as cuestións ambientais, sendo directora de campaña sobre o clima e a enerxía dos Amigos da Terra, durante dous anos e medio. En 2010 Robin axudou a por en marcha o blogue Carbon Brief, onde traballou como fact checker (verificadoras de datos) e analista ata 2014. Ten escrito extensivamente sobre a política enerxética do Reino Unido e sobre cuestións de sustentabilidade alimentaria. Robin é licenciada en bioloxía e ten un máster en conservación ambiental pola University College London.

All-Party Parlamentary Group on limits to growth

Grupo interpartidario sobre os límites do crecemento é un grupo oficializado de parlamentarios británicos, constituído na actualidade por: 7 membros da Cámara dos Lords + 6 membros da Cámara dos Comúns; dos seguintes partidos:

  • 5 traballistas,
  • 3 independentes,
  • 2 conservadores,
  • 2 verdes e
  • 1 nacionalista escocés.

Na actualidade está presidido  por Caroline Lucas (Verdes) e co-presidido por George Kerevan (SNP) e Daniel Zeichner MP (Traballista).

Os obxectivos principais deste grupo son:

  • crear o espazo para un diálogo entre partidos sobre os riscos económicos específicos relacionados cos límites ambientais e sociais;
  • avaliar as evidencias de tales límites, identificar os riscos e procurar o apoio para tomar as medidas adecuadas; e
  • contribuír ao debate internacional na redefinición de prosperidade e das medidas de crecemento.